कल्पना अनि यथार्तता

sketch: http: //25.media.tumblr.com/

तिम्री आमाले एकादेशको  'समय'

राजकुमारको कथा भाका हाली-हाली ' लय ' 

'तेजस्बी, अति सुन्दर, घोडामा राजकुमारीलाई लिन ..... '' कल्पना '

सुनाए झैँ मलाइ नि मेरा बा ले

'सुन्केस्री कथाहरु' सुनाउनु भको छ

तिमीले झैँ मैले नि

'सुन्केस्री रानी अब त ओर्लनछिन नि!' सोधेको छु

धरातल हाम्रो एक हो

फरक यति हो तिम्री आमाले तिमीलाई सुताउन सुनाउथिन ' लोहोरी ' 

मेरा बा ले मकै छोड्यादा समयको पत्तो हुन्न भनेर सुनाउनु हुन्थो  'बाध्यता'

उपल्लो देशको राजकुमारका कल्पना

निन्द्रका औसधि 'लोहोरी' हुन

लगाइदिने औठी सुनको किन्न धौ-धौ पर्ने बेलामा " महंगी " 

सुनका केशकी राजकुमारीको कल्पना त्यागेको छु " यथार्तता " 

घोडा नभएर के भो र, बादल पारीको देश नलागेर के भो र

'सिमांचल एकास्प्रेस'मा चडाएर' बनाराश देखि गोआ 'सम्म संगै जाने सोचेको छु " सपना " 

बिशाल पर्खाल भित्र तिमीलाई सिमित नराखेर खुल्ला हावामा कावा खुवाउने सपना देखेको छु "'स्वतन्त्रता'' 

बिशाल पर - पर सम्म तिमि उडेको हेर्न मेरा आँखा आतुर छन्'''' रहर 

म कालो हुँला, मेरा नारि तिमीलाई रक्षा गर्न समर्थन नहोलान

तर तिम्रा पाखुरा बलआउने उत्प्रेना दिन मेरा ओठ थाक्ने छैनन् "निरन्तरता" 

कल्पना भन्दा मजबुद केहि हुन्न सम्झ " सोच " 

तिम्रो राजकुमारले घोडालाई खुल्ला छोडेर " दासमुक्त " 

तरबारबाट आफ्नु सक्ति बिकेन्द्रित नगरेर  ' सान्ति '

तिम्रा सामु खडा छ ' समानता ' 

तिमीलाई अलिसान दरबारमा पाल्ने नभएर ' खुसि ' 

'जिन्दगि भरि उत्प्रेनाका साथ दिने बाचा गर्दैछ' ' उत्प्रेना '' साथ ' 

बा, म, ऊ: प्रस्ताब

बा, मेरो बा

मलाई बाँसको फिर-फिरे बनाइदिने बा

मलाई काँधमा बोकी स्कुल लाने बा

म भन्दा पहिला आसुँ झार्ने बा

तपाइंको कथा सुन्दै हुर्केको म
आज मेरो भुत सुन्नुस है
है बा
तपाइंलाई जदौ गर्ने बिर्खेकी छोरी
तपाइंले हाल्देकै पाठशालामा भेटेको
मेरी बालसखा हो-मिठिकुमारी
उसले एक दिन टिफ़िनमा जुठो खुवाएकी थिई
त्यहि साँझ स्कुलबाट फर्कदा चुमेकी थिई
पोइला लाने आग्रह गरेकी थिई
त्यो रात जात र प्रेमको दोसाँधमा निन्द्रा नपर्दा
तपैले मोहिखाएको याद आयो बा
हामि दुवैको जात गएको आज याद आयो

थाहा छ बा
हाम्रा घर्मा बन्धुक धारी आउनु पूर्व एक दिन
उसको आँखामाक्रान्तिको ज्वाला बलेको देखे
उसले सभ्रान्तका बिरुद्ध लड्छु
जात र दमनको पर्खाल भत्काउने
आदि इत्यादि कुरा गरेकी थिए

अनि के बा,
बर्षौ पछि हिजो एक्कासी उ संग भेट्भो
उ संगै अतितको भेल आयो
जनयुद्धको उपलब्धि र क्षतिको बहस आयो
उसको बीरगत श्रीमानको मृत्यु र
उसको उपहार छोरोको कुरा आयो
अनि के बा
उसको हातबाट युद्धको गन्ध आयो
बन्धुके ठेलामा एक बेग्लै घ्रसण आयो
उसको आँखाबाट आशुँको भेल आयो
कता-कता मेरो मस्तिस्कामा प्रेमको छाल आयो
उ र म बीच नजानिँदो सामिप्यता आयो
'मेरो ओठमा उसको ओठको चिसो आयो'
बा, मेरो बा
आमाको काखको न्यास्रो लागेर आयो
अनि नि बा
एक्कासी फेरी उसैबाट प्रेमको प्रस्ताब आयो
त्यो संगै तपाइले चिया पसलमा बोलेका विचार
समानता र सहयोगिपनको याद आयो बा
बा, त्यो हेर्दा ठ्याक्कैहामि जस्तै छे
हामि जस्तै बोल्छे
अनि उसको छोरो
ठुलो-बुवाको नाति जस्तो छ
उस्ले भनेकी
तपैंमा कुप्रथाको कुनै कण बाकि छैन रे
हो बा?