हामीले के बुझ्न जरुरी छ भने
देशमा कोही बौलाएको छ
देशमा कोही द्रोही भएको छ
देशमा कोही भ्रस्ट भएको छ
दिमागका ट्यान्कर भनाउँदाहरु
उपल्लो दर्जाका सोच्नेहरु
आफु जनतै हैन सोच्नेहरु
धर्मको नाममा रगत तताउनेहरु
जातको नाममा खुकुरि तेर्साउनेहरु
भाषाको नाममा प्रोपागाण्डा मच्चाउनेहरु
दिन - भर चोकमा चिया पिएर क्रान्ति भुक्नेहरु
साँझ नपर्दै भट्टि छिरेर देशहाक्ने सपना डुकार्नेहरु
नोटको भरमा शब्द कोर्ने - समाचार कुद्नेहरु
भोट दिएको चिनो नमेटिदै नेतालाई गालि गर्नेहरु
दिनभर भजन गाएर रातभर सिरियल चाहार्नेहरु
सान्ति - सुरक्षाको जिम्मा लिएर झुमाको कपडा च्यात्नेहरु
रगत बगाएर पोईले पठाको पैसा रातभर मोबाईलमा घाँस हाल्नेहरु
बर्षौ देखि बिदेश पलाएन भएर देशमा यो भएन उ भएन भुक्नेहरु
हामीले के बुझ्न जरुरी छ भने
देशमा कोही बौलाएको छ
देशमा कोही द्रोही भएको छ
देशमा कोही भ्रस्ट भएको छ
